Uhalisia wa Maisha ya Muziki wa Injili

Msanii yeyote katika jamii anasimama kama kioo cha jamii husika. Haijalishi ni msanii wa tasnia gani iwe muziki, sinema na hata fani nyingine. Wote uwakilisha dhima kuu tatu kuelimisha, kuhabarisha na hata kuburudisha. Japo ufikishaji ujumbe kwa jamii utofautiana kulingana na fani husika ya msanii husika.

Kwa kipindi cha karibuni wasanii wa nyimbo za Injili wameonekana kuja juu katika muziki huo wa Injili Sanaa hasa wasanii wanaoimba mmoja mmoja (Solo artist). Hii ni kutokana na jamii sasa kuanza kuilewa vizuri Sanaa hii hasa katika kulitangaza neno la Mungu.

Lakini kwa namna moja ama nyingine ipo mitazamo ya wengi juu ya waimbaji na wasanii wa nyimbo za injili. Hasa wenye majina makubwa.

DFM imepata muda wa kuongea na wasanii mbalimbali wa nyimbo za injili kama vile Solomoni Mukubwa, Ivan Moshi kuhusu mambo mbalimbali yanayowagusa kwa namna moja ama nyingine. Baadhi ya mambo hayo ni kama yafuatayo.

SOMA ZAIDI

Mitazamo mbalimbali ya wasanii wa muziki wa Injili

  1. Kuhusiana na kufanya Video nje ya nchi

Dfm imeongea na wasanii mbalimbali wa muziki wa injili kuhusiana na suala hili ambalo limekuwa na maswali mengi sana. Moja ya wasanii waliopta kuzungumzia siuala hili ni Ritha Komba.

kwenye mazungumzo na DFM, Ritha Komba anasema sio lazima sana kufanya video nje ya nchi. Na ili utoke sio lazima ufanye video yako nje ya nchi bado unaweza kufanya hapa hapa nyumbani na ukatoka.

Mimi nachoweza kusema ni kuwa chochote unachoweza kukifanya kwa mahali popote kwa kiwango kizuri kitakubalika, kutoka ni mpango wa Mungu haijalishi umeenda sehemu gani?”-Ritha Komba

  1. Vitu gani wanapaswa kufanya ili kufanikisha Malengo yao ya Muziki.

Christina kutoka Kubamba Fm ya nchini Kenya. Amasema wasanii wanapaswa kufanya matamasha mengi pamoja na nyimbo nyingi za kushirikiana na wasanii mbalimbali wa muzikiwa Injili. tena kutoka pande mbalimbali ikiwezekana hata nje ya nchi kwa ajili ya kujitangaza na kuongeza mashabiki.

  1. Kuhusu maisha ya wasanii wa muziki wa Injili.

Watu wengi wamekuwa na dhani ya kutabiri maisha ya watu walio maarufu. Wapo wanaosema kuwa maisha ya wasanii wa muziki wa injili ni makubwa na ya kifahari sana. Kwa kutaka kujua hilo na kutoa ukakasi uliopo baina ya raia na wasanii, DFM imefanya mazungumzo na Solomon Mkubwa muimbaji wa nyimbo za injili.

Yeye ametetea hoja hiyo kwanza kwa kueleza yeye ni nani lakini pia alizama ndani kidogo kueleza maisha yake tangu anazaliwa mpaka hapo alipo.

“kama tuko hapa tunafanya hii kazi na kwa ajili ya utukufu wa Mungu, watu wanatuonaga kwa Tv wanadhani sisi ni mabilionea, sisi tunataka kuwapa Imani watu”-Solomon Mkubwa

Ndugu Solomon aliwahi pata matatizo katika maisha yake na hakusita kueleza nini kilimkumba mpaka kufikia hatua ya kuwa na mkono mmoja wakati alikuwa mzima kama wewe. Sikiliza story hii ya Solomon ndani ya DFM kwenye kipindi cha D-HITS. BOFYA HAPA kusikiliza.

 

Leave a Reply

Your email address will not be published. Required fields are marked *

dfm.co.tz