Deep Business

Uwekezaji na uendashaji wa biashara ya Gesi nchini

Nishati ya gesi asilia imesambaa kote duniani na watu wengi wamekua wakitumia gesi katika shughuli zao za kila siku. Read More

Jukwaa la Biashara

Teknolojia imeonekana kuzungumziwa sana na wafanya biashara. Read More

Fikra zilizo Angavu

Unapoona jalala unapata fikra gani? Takataka na mabaki ya vitu mara nyingi huonekana kama vitu visivyofaa kwa matumizi ya aina yoyote. Read More

Tanzania ya Viwanda ni fursa adhimu ya Ajira

Tatizo la uwepo wa ardhi duni isiyo na rutuba ni wazi kunachochea upatikanaji finyu wa malighafi za uzalishaji. Read More

Tanzania ya Viwanda ni fursa adhimu ya Ajira

Tatizo la uwepo wa ardhi duni isiyo na rutuba ni wazi kunachochea upatikanaji finyu wa malighafi za uzalishaji. Hii ni fursa kwa jamii kutafuta njia mbadala ya kuendelea kuitunza ardhi kwa ajili ya kilimo endelevu chenye manufaa kwa viwanda.

Uwepo wa Sera ya uchumi wa Viwanda nchini ni wazi uzalishaji wa mali ghafi unapaswa kukua kwa kiwango cha hali ya juu sana. Ikizingatiwa sekta ya kilimo ndio chachu ya ukuaji wa viwanda.

Guavay ni kampuni ya Kitanzania iliyoanzishwa na baadhi ya vijana wa kitanzania maalumu kwa ajili ya kutengeneza na kuzalisha mbolea ya asili ya mimea aina ya Organic iitwayo “Hakika Organic Fertlizer”. inayotokana na mabaki ya matunda, mbogamboga na mimea.

Kwanini Guavay waliamua kutengeneza Mbolea ya Asili?

Sababu kuu ya kuamua kuja na mbolea ya asili ni kupotea kwa rutuba kwa ardhi ya Tanzania kulikochangiwa na;

  • Matumizi mabaya ya ardhi
  • Kutotumia mbinu sahihi za kilimo
  • Kutumia Mbolea ambazo zinachosha udongo

Licha ya upatikanaji mgumu wa Malighafi Guavay inapitia hatua kadhaa katika mchakato wa uzalishaji  wa mbolea ya Organic.

  • Ukusanyaji wa takataka zenye uwezo wa kumeng’enywa na wadudu (Bakteria) kutoka kwenye baadhi ya Masoko jijini Dar es salaam.
  • Hutumia mali ghafi kama vile Binder pamoja na mali ghafi zenye kiwango kikubwa cha Nitrogen
  • Pamoja na Brown material ambayo inatumika kuleta mchanganyiko wa uzalishaji wa mbolea.

Guavay sasa inapanga kuondoa kero kubwa ya takataka kwenye majiji yote nchini. Ikiwa kama fursa kwao katika kuongeza uzalishaji wa mbolea ya asili. Huku ikijiwekea malengo ya kuzalisha takribani tani 5000 kwa mwaka ikiwa ni pamoja nakutengeneza ajira zaidi.

Kampuni ya Guavay inaungana na Manispaa ya Kinonondoni katika kuitumia fursa hii ya pembejeo za kilimo. Mara baada ya manispaa hiyo kusaini Mkataba wa zaidi ya sh. bilioni 5.56 na kampuni ya ukandarasi  ya  CRJE ya nchini China. Mkataba huo ni kwa ajili ya kuanza ujenzi wa kiwanda  cha kuchakata taka kuwa mbolea aina ya mboji .

Hili kuweza kupata elimu na taarifa mbalimbali za uchambuzi wa kina endelea kutusikiliza kupitia DFM RADIO HAPA au pakua App yetu ya Dfm kwenye Google play store kutusikiliza live.

 

“Fedha za kufanya biashara zipo nyingi sana”-Basil Malaki

Baadhi ya watu mbalimbali wamekuwa wakilalamika kupata wakati mgumu katika kufanya biashara zao, wapo wanaoamua kuachana kabisa na biashara zao kutokana na changamoto wanazokumbana nazo katika uendeshaji wa biashara hizo.

Ni wazi uendeshaji wa biashara unahitaji misingi, nguzo na kanuni za kibiashara ili uweze kufikia malengo mahususi katika biashara yako, Basil Malaki yeye ni mtaalamu wa masuala ya biashara na Ujasiriamali ambapo alitumia fursa ya kuongea na Dfm Radio kuelimisha jamii kuhusu njia na misingi bora ya kukuza biashara.

Misingi Bora (4) ya kukuza biashara yako

  • Kwanza kabisa, unapaswa kujenga uhusiano mzuri na timu yako.

Uangalie nani unataka kufanya nae biashara na ana vigezo vipi vya kufanya biashara na wewe, ikiwemo ujuzi, elimu tabia na kadhalika. Tafuta mtu ambaye unaona ana vigezo ambavyo wewe hauna ili kuleta utofauti na ufanisi. (Diversity skill)

 

  • Pili, ulete suluhisho ambalo linatatua changamoto za watu katika jamii.

Biashara yako lazima iwe inatatua changamoto za watu. Unapaswa kuangalia ni nini ambacho kipo kwenye soko na ambacho hakipo kwenye soko na ni nini kinahitaji kuboreshwa.

         “Hauwezi tu kusema kwakuwa Bakhresa anafanya biashara na wewe ukasema uuze juisi,      yeye aliangalia kuna tatizo au changamoto Fulani fulani” –Bwana Malaki 

Hii inaweza kukusaidia katika mzunguko wako mzima wa biashara yako ili biashara yako iweze kukua kwa ufanisi mkubwa. Itakusaidia katika kupata mrejesho wa biashara yako.

  • Unapaswa pia kuwa na mtu au mwalimu anayeweza kukusaidia kukuza biashara yako (Mentor).

Katika kuendesha biashara yako kwa ufanisi unahitaji kuwa na watu unaoweza kufanya nao biashara katika kuongeza ufanisi wa biashara.

Bwana Malaki anasema kuna utofauti mkubwa wa uchangamkiaji na uwasilishaji wa fursa za kibiashara katika nchi za Afrika Mashariki huku Kenya ikionekana kufanya vizuri katika Nyanja hizo.

Katika jitihada za kukuza uchumi nchini, Bwana malaki anasema tatizo kwa sasa si fedha za uwekezaji kwenye biashara bali ufanisi kwa vijana hasa katika kupanga mawazo yao ya kibiashara pamoja na uwasilishaji wake umekuwa changamoto kubwa kwa sasa.

“shida sio upatikanaji wa fedha, shida ni je? ukija kutafuta fedha umejenga msingi ambao utamvutia mtu akaja kuwekeza kwako, mashirika yana hela nyingi sana lakini shida,  je? una suluhisho ambalo linakuja kutatua changamoto, lazima utupe sababu ya kukupa wewe hela”-Bwana Malaki.

Je, unazijua faida ya kusajili biashara zako?

Kufanya biashara ni moja ya maamuzi sahihi kwa wengi lakini wengi hawayafanyi haya maamuzi kwa usahihi. Kwa lugha nyingine wanafanya biashara sahihi lakini wanashindwa kuzingatia taratibu sahihi ambazo zinalenga kuboresha mazingira ya ufanyaji biashara zao.

Mtu yeyote anaweza kuamua kuendesha biashara kwa ajili tu ya kutoa bidhaa au huduma kwa mtu mwingine ili kutengeneza faida wakati kusajili biashara kwenye mamlaka husika sio hitaji muhimu katika kukamilisha miamala ya biashara bali ni chaguo sahihi kwa mjasiriamali kutokana na sababu anuwai.

 

Faida 5 za kusajili biashara au kampuni yako

  • Urahisi katika kufanya biashara na watu wa ndani na nje ya nchi

Kuwa na biashara au kampuni iliyosajiliwa inakupa urahisi kufanya biashara na wadau wa ndani na nje ya nchi. Washiriki wenza wengi wa biashara uwekeza kwenye biashra inayoendeshwa kwa kanuni na sheria ili kuweka mazingira mazuri ya kibiashara.

  • Kutambulika na Mamlaka/Serikali

Unaposajili biashara au kampuni yako inakupa fursa kubwa kuweza kufanya shughuli zako za kibiashara kwa uhuru na kutambulika popote unapoenda kwenye eneo husika.

  • Kupata mikopo

Unapoomba mkopo wowote wa kibiashara unahitajika kuthibitisha biashara yako unayoifanya. Wawekezaji watataka kuona usajili wa biashara au kampuni yako.

  • Sifa nzuri kwa wateja wako.

Mteja au mwekezaji mpya katika biashara yako atataka kujua uhalali wa uwepo wa biashara au kampuni yako. Unaposajili kampuni yako unampa mteja wako fursa ya kufanya biashara ama kuwekeza kwa uhuru kwenye biashara yako.

  • Uwezo wa kuajiri wafanyakazi.

Kusajili kampuni au biashara kunakupa fursa ya kuajili wafanyakazi wa muda mrefu kwenye kampuni au biashara yako pamoja na kuwalipa kutokana na kanuni za nchi.

  • Kutambulika kwa biashara yako kwa kiwango cha juu.

Kampuni au biashara iliyosajili inakupa wigo wa kujitangaza popote pale kwa uhuru. Usiposajili kampuni hauwezi fanya matangazo kwa kiwango cha juu ili kuweza kukuza jina la biashara (Brand awareness).

  • Kupata akaunti ya Benki ya biashara.

Unahitaji kutoa uthibitisho wa usajili wa kampuni au biashara yako ili uweze kupata akaunti ya benki ya biashara. Akaunti ya baishara ya benki ni muhimu sana kwa mfanya biashara ili aweze kutofautisha shuguhuli zake za binafsi za kibenki na zile za biashara.

Usajili wa biashara ni wazi unaweza kutoa faida chanya kwa kampuni, nchini Tanzania sasa unaweza sajili kampuni yako kwenye mamlaka husika (BRELA) kwa njia ya mtandao

Hili kuweza kupata elimu na taarifa mbalimbali za uchambuzi wa kina endelea kutusikiliza kupitia DFM RADIO HAPA au pakua App yetu ya Dfm kwenye Google play store kutusikiliza live.

Je? Unajua unaweza kumiliki kiwanda kwa sh. 2500/=?

Ile ndoto ya kumiliki Kiwanda kwa kila Mtanzania ni wazi si dhana ya nadharia tu bali wapo wanaoitumia fursa hiyo. Read More

Max Malipo na uchakataji wa miamala ya kielektroniki

Matumizi ya mashine za kuchakata miamala ya kielektroniki nchini Tanzania ni wazi sasa yanazidi kukua siku hadi siku. Licha ya kuwa na changamoto kubwa katika baadhi ya maeneo huduma hii bado inasonga mbele.

Mfumo huu wa ulipaji wa fedha kwa kutumia mashine za kieletroniki umekuja kurahisisha mfumo wa malipo ya bidhaa au huduma. Ambapo awali ilimpasa mteja afike kwenye ofisi inayotoa huduma au kuuza  bidhaa kufanya malipo.

Maxcom Africa ni kampuni ya uchakataji wa miamala kieletroniki nchini Tanzania. kampuni ambayo iliona uwepo wa tatizo la matumizi ya muda mrefu zaidi kupata huduma za kawaida za kijamii (Utility).

Faida sita (6) za kutumia mfumo wa malipo kieletroniki

  • Kupata huduma karibu na nyumbani kwako au mahali popote utakapokuwa
  • Kutunza muda ambao ungeutumia kwa ajili ya kwenda kufanya malipo ya fedha taslimu
  • Kutunza kumbukumbu za manunuzi yako binafsi kwa urahisi
  • Kutunza uwazi katika makusanyo kiujumla
  • Mfumo wa kufanya miamala ya fedha kwa njia ya kieletroniki ni rahisi na salama.

Licha ya kutatua kero mbalimbali zilizokuwa zinawakumba jamii kutoka na kutokuwa na mfumo madhubuti wa kielektroniki. Maxcom pia imekuwa kama chombo kinachoisaidia serikali katika ukusanyaji wa mapato.

Mara mtumiaji wa huduma au bidhaa atakapotumia mashine za Max Malipo kufanya manunuzi basi ni wazi atakuwa amelipa kodi ya huduma au bidhaa anayoinunua moja kwa moja.

Maxcom Africa sasa wanatoa huduma za Malipo ya Kielektroniki katika idara kama vile ya Maji, umeme, Polisi, usafirishaji na katika idara nyingine.

Ni wazi sasa uwepo wa huduma hizi za kuchakata miamala kielektroniki zinatoa ufumbuzi wa tatizo ya upataji mbaya wa huduma. Mtu sasa anaweza kupata huduma popote anapokuwa ilimradi tu awe na kifaa cha kufanya miamala.

Hili kuweza kupata elimu na taarifa mbalimbali za uchambuzi wa kina endelea kutusikiliza kupitia DFM RADIO HAPA au pakua App yetu ya Dfm kwenye Google play store kutusikiliza live.

dfm.co.tz